ДААТГАЛЫН КОМПАНИУД ЦАХИМААР АЖИЛЛАЖ БАЙНА

2020-11-18 48 0

Коронавирус (Covid 19)-ын халдвар манай улсад голомтлон гарсантай холбоотойгоор Улсын онцгой комисс, Засгийн газрын хуралдаанаар 12 дугаар сарын 1-ний 06.00 цаг хүртэл гамшгаас хамгаалах бүх нийтийн бэлэн байдлын зэрэгт шилжүүлсэн хугацааг сунгасан. Үүнтэй холбогдуулан даатгалын компаниуд, мэргэжлийн оролцогчид өөрийн ажилтан болон даатгуулагчдынхаа аюулгүй байдлыг хангах мөн үйл ажиллагаагаа тогтвортой, хурдан шуурхай явуулах зорилгоор цахим хэлбэрээр хэвийн ажиллаж байна. Тодруулбал, даатгуулагчдад даатгалын зөвлөгөө мэдээлэл өгөх, нөхөн төлбөрийн баримт материал хүлээн авах, нөхөн төлбөр олгох ажлыг цахим хэлбэрээр явуулснаар шуурхай шийдвэрлэх нөхцөлийг бүрдүүлж даатгуулагч иргэдийнхээ өмнө хуулиар хүлээсэн үүргээ биелүүлж ажиллаж байна. Иймд иргэд, аж ахуй нэгж, даатгуулагч Та бүхэн даатгалын компаниуд, мэргэжлийн оролцогчдын лавлах утас, вэб сайт, фэйсбүүк мессенжер буюу чатбот ашиглан тухайн байгууллагаас санал болгосон даатгалын бүтээгдэхүүнүүдийг нь худалдан авах, зөвлөмж мэдээлэл авах, нөхөн төлбөрийн баримт материал бүрдүүлэх боломжтой гэдгийг зөвлөж байна.

Дашрамд мэдээлэхэд, өнөөдрийн байдлаар манай улсын даатгалын зах зээлд ердийн болон урт хугацааны даатгалын нийт 15 компани бүтээгдэхүүн, үйлчилгээгээ сая гаруй даатгуулагч иргэдэд хүргэж ажилладаг. Даатгалын тухай хууль тогтоомжид заасны дагуу даатгагч нь даатгалын тохиолдол болсон үед нөхөн төлбөрийг хууль болон гэрээгээр тохиролцсон хугацаа, хэмжээнд холбогдох баримтыг үндэслэн даатгуулагчид олгох үүрэгтэй.

Даатгалын компаниудын холбогдох утас, фэйсбүүк мессенжер (чатбот)

Даатгалын компаниуд Утас Чатбот (фейсбүүк)
1 Амар даатгал 1800-2111, 95117965 m.me/amarinsurance
2 Ард даатгал 7720-0089 m.me/ArdInsurance
3 Бодь даатгал 7000-4800 m.me/bodiinsurance.mn
4 Ганзам даатгал 242667, 242668 daatgal@gzd.mn
5 Мандал даатгал 7575-2000 m.me/mandaldaatgal
6 Миг даатгал 7575-6000 m.me/migdaatgal
7 Монгол даатгал 1800-1990 m.me/mongoldaatgal
8 Монре даатгал 77779000 m.me/monreinsurance
9 Мөнх даатгал 94006405, 331332 m.me/munkhinsurance
10 Номин даатгал 1800-2888 m.me/nomininsurance
11 Нейшнл лайф даатгал 7011-3366 m.me/daatgal
12 УБ Хотын даатгал 7000-1234 m.me/ubcityinsurance
13 Практикал даатгал 7777-6677 m.me/PracticalDaatgalOfficial
14 Тэнгэр даатгал 1800-1889 m.me/tengerinsurance
15 Хаан даатгал 7575-7588 m.me/khaandaatgal

Та бүхэн санхүү даатгалын үйлчилгээг цахимаар хүлээн авч, хөл хорионы дэглэмийг сайтар сахиж, болзошгүй эрсдэлээс өөрийгөө болон гэр бүлийнхнээ хамгаалахыг уриалж байна.

Холбоотой мэдээ

Иргэдийн тайван жагсаалыг улс төрчид үймээн самуун болгон ашиглахыг санаархав

Дөнгөж төрсөн ээжид хүнлэг бус хандсанд бухимдсан иргэд өчигдөр өглөө Сүхбаатарын талбай дээр тайван

2021-01-21

ХҮН ЧАНАРЫН ХОМСДОЛ ХИЙГЭЭД БУРХАНЫ ШАШИН

Өчигдөр дөнгөж төрсөн нярайг нялх биетэй ээжтэй нь дөрвөн есийн хүйтэнд дөнгөлөх нь холгүй авч явааг

2021-01-20

Олон Улсын Хөдөлмөрийн байгууллагын төлөөлөлтэй цахим уулзалт хийлээ

Монгол Улсын Хүний эрхийн Үндэсний Комиссын даргын үүргийг түр орлон гүйцэтгэгч бөгөөд ХЭҮК-ын гишүү

2021-01-07