Гэвш лам Дэнгела буяны их үйлээ түгээсээр байна

2020-06-05 28 0

 

Билгийн тооллын зуны эхэн сарын энэ өдрүүдэд БУРХАН БАГШИЙН ИХ ДҮЙЧИН ӨДӨР тохиож байгаа билээ. Энэхүү дүйчин өдрүүд нь шинийн 1-15ны өдрийг дуустал үргэлжлэх бөгөөд Гэвш лам Дэнгела шинийн 3,4-ний  /2020.05.25,26/ өдрүүдэд Баянзүрх дүүргийн зорилтод бүлгийн өрх толгойлсон эхчүүд, хөгжлийн бэрхшээлтэй залуу гэр бүл болон хүүхэд багачуудад сүсэгтэн олон шавь нарынхаа хамт гарын бэлгээ гардууллаа.

Тэрээр жил бүрийн энэ өдрүүдэд сайн үйлсийн аян зохион байгуулдаг уламжлалтай бөгөөд энэ удаа тус дүүргийн Засаг даргын Тамгын газар  нийгмийн ажилтны судалгаанд хамрагдсан 11 хорооны  11 өрх толгойлсон ээж, хөгжлийн бэрхшээлтэй залуу гэр бүлд хэрэгцээт хүнсний зүйл болон ахуйн хэрэглээний зүйлсээр тусалж, 111  хүүхэд багачуудад гутал хувцас, гарын бэлгийг өрх бүрээр зорин очиж халуун сэтгэлийн аяныг зохион байгууллаа.

Коронавирусийн халдвар цар тахлын хэмжээнд хүрч дэлхий нийтийг айдаст автуулж буй энэ үед хүмүүн бид даян дэлхийн энх, амар, амгалангийн төлөө хичээнгүйлэн сүсэглэн залбирваас тэрхүү буян хэдэн мянгантаа арвижих билэгт сайн өдрүүд үргэлжилж байна. Тиймээс хүн бүр өөрийн бие сэтгэлдээ аливаа сайн сайхан бүхнийг бодож, өчүүхэн төдий тусыг амьтан бүхний сайн сайхны зориулах нь хүмүүн бидний эрхэм чанар оршино хэмээн Бухан багшийн сургаалд номлосон болохыг гэвш лам Дэнгела айлтгаж байлаа.

Мөн тэрээр Коронавирусээс урьдчилан сэргийлэх ажилд хандив болгож өнгөрөгч 3 дугаар сард Баянзүрх дүүргийн Онцгой байдлын хэлтэст амны хаалт ,гар ариутгагч хандивлаж байсныг дуулгахад таатай байна.

Холбоотой мэдээ

Байдрагийн гүүр-Алтай чиглэлийн эхний 60 километр замыг барьж дуусган хөдөлгөөнийг нээсэн байна

Байдрагийн гүүр-Алтай чиглэлийн 126.7 километр хатуу хучилттай авто замын эхний 60 километр замыг аш

2020-06-17

370 орон сууцыг иргэдэд түрээслээд өмчлөх хэлбэрээр өмчлүүлнэ

  Нийслэлийн ИТХ-ын Тэргүүлэгчид хуралдаж байна. Өнөөдрийн хуралдаанаар Орон сууц хуваарилах

2020-06-16