Монгол Улсад шинэ коронавирусийн 11 дэх тохиолдол бүртгэгдлээ

2020-03-26 4 0

СOVID-19 халдварын цаг үеийн асуудлаар Эрүүл мэндийн яамнаас ээлжит мэдээллээ хийлээ.

Энэ үеэр ХӨСҮТ-ийн ерөнхий захирал Д.Нямхүү тусгаарлалтад орсон хүмүүсийн шинжилгээний хариуг зарлаж байна.

Тэрбээр “Истанбул-Улаанбаатарын тусгай нислэгээр ирсэн 221 хүний шинжилгээг хийж дууслаа. Үүний дотроос нэг монгол иргэнээс коронавирусийн халдвартай тохиолдол илэрлээ.

Тандалтаар цуглуулсан 25 сорьцод коронавирус илрээгүй.

Өнөөдрийн байдлаар ХӨСҮТ-д 184 хүн хянагдаж байна” гэсэн мэдээллийг өглөө.

Ингэснээр Монгол Улсад коронавирусийн 11 дэх тохиолдол бүртгэгдэж байна.

Монгол Улсад COVID 19-ийн бүртгэгдсэн тохиолдлууд:

  • Гуравдугаар сарын 10-нд Монгол Улсад ирсэн Францын иргэний шинжилгээнээс коронавирус илэрч манай улсад анхны тохиолдол болж бүртгэгдэв.
  • Гуравдугаар сарын 16-нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн гурван иргэнээс COVID-19 илэрсэн нь лабораторийн шинжилгээгээр батлагдав.
  • Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирсэн дахин нэг иргэнээс коронавирусийн халдвар илрэв.
  • Берлин-Москва-Улаанбаатарын чиглэлийн онгоцоор ирсэн иргэнээс түргэвчилсэн оношлуураар шинжилгээ хийхэд халдвар илэрснийг гуравдугаар сарын 18-нд ХӨСҮТ-ээс мэдээлэв.
  • Гуравдугаар сарын 16-нд Берлин-Москва-Улаанбаатарын онгоцоор ирсэн дөрвөн иргэнээс коронавирус илэрлээ. Ингээд Монгол Улс коронавирусийн 10 батлагдсан тохиолдолтой болсныг 2020 оны гуравдугаар сарын 21-нд мэдээлж байв.

Холбоотой мэдээ

Д.НЯМХҮҮ:СЭЛЭНГЭД ТУСГААРЛАГДСАН БАЙСАН НЭГ ХҮНИЙ ДАВТАН ШИНЖИЛГЭЭГЭЭР КОРОНАВИРУС ИЛЭРСЭН

Эрүүл мэндийн яамнаас COVID-19-ийн өвчлөлийн нөхцөл байдлын мэдээллийг хийж байна. ХӨСҮТ-ийн захи

2020-04-08

Өнөөдрийн нислэгээр ирэх иргэд болон нисэх багийнхан 21 хоног тусгаарлагдана

БНСУ-аас иргэдээ авчрах тусгай үүргийн онгоц өнөөдөр 08:40 цагт Сөүл рүү хөөрлөө. Өнөөдрийн нислэ

2020-04-08

COVID-19 цар тахлын эрсдлийг үл тоон сайн дураараа тусгаарлах байранд ажилласан эмч нар

COVID-19 цар тахлын тэргүүн шугаманд эрсдлийг үл тоон, өргөсөн тангарагтаа үнэнчээр, сайн дураараа а

2020-04-08